"زوتوبيا" فيلم عن الحيوانات موجه للبشر

فيلم Zootopia أو "زوتوبيا" هو فيلم رسوم متحركة احداثه بتدور في مدينة اسمها "زوتوبيا" حيث تعيش الحيوانات حياة عصرية حضارية متقدمة جدا زي البشر بالظبط وبيحكم ما بينهم قوانين الكل بيحترمها من اول الاسد والفيل والتعلب والارنب لغاية الفار، بطلة الفيلم ارنبة اسمها "جودي" جاية من الريف لمدينة "زوتوبيا" عشان تشتغل شرطية واللي فضلت تحلم بكده طول عمرها على الرغم من اللي حواليها كان بيحبطوها ويقولوها انتي ارنبة ومستحيل تبقى شرطية لكن هي اصرت على حلمها وحققته.

 الفيلم بيظهرلك ازاي الحيوانات بتعيش مع بعض في سلام دون عنصرية او كراهية او عنف على الرغم من انواعهم الكتير المختلفة، لكن اما بتختفي بعض الحيوانات المفترسة بتضطر الشرطية جودي تبحث عنهم وفي الاخر بتلاقيهم لكن نقطة التحول في الفيلم هي لما جودي بتظهر في الاعلام عشان تتكلم عن الحادثة، بنلاقيها fدون ادراك منها بتتكلم بعنصرية عن الحيوانات المفترسة وانهم خطر ع المدينة وده بيؤدي الى انقسام المدينة واضطهاد الحيوانات المفترسة بها.

 جودي بعد كده بتدرك الخطأ الكبير اللي عملتها واللي من خلاله دمرت مدينة "زوتوبيا" الجميلة بسبب كلمتين قالتهم في الاعلام.. فيلم "زوتوبيا" خياله واسع اوي مش عشان عن الحيوانات بس لاء عشان تخيله انه هيجي يوم والحيوانات هتعيش مع بعض في سلام حياة عصرية متقدمة دون اضطهاد او عنصرية في الوقت اللي البشر بيقتلوا فيه بعض ومش عارفين يعيشوا مع بعض زي الحيوانات حتى .

فيلم "زوتوبيا" عن الحيوانات لكنه موجه للبنآدمين وبيدعوهم للتخلي عن العنصرية والكراهية عشان يعرفوا يعيش مع بعض في سلام قبل فوات الاوان. فيلم "زوتوبيا" على الرغم من انه فيلم رسوم متحركة لكنه بيحمل معاني انسانية ورسائل جميلة جدا.. فيلم "زوتوبيا" عايز يقول من الاخر ان العنصرية والكراهية بيدمروا كل شئ ولن ينعم البشر بسلام دون التخلي عن تلك العنصرية والكراهية... اجمل حاجة في الفيلم هي جملة "بوسع اي احد ان يكون اي شئ" واللي كانت دايما بطلة الفيلم "جودي" بترددها كإصرار منها على تحقيق حلمها وعدم اليأس.

هل نحن نعيش حياة حقيقية أم مجرد فيلم؟!

في فيلم The Truman Show او "عرض ترومان" بتاع "جيم كاري" بيظهرلك في البداية ان البطل عايش حياة طبيعية روتينية زيه زي أي حد... الفيلم بيبتدي بعرض نبذة عن حياة البطل اللي اسمه "ترومان" وبيعمل ايه طوال اليوم بداية من الصبح لحد بليل وكمان علاقته بمراته وصديقه الوحيد وزمايله في الشغل..مع الوقت البطل بيحس انه مش سعيد وبيزهق من حياته الروتينية المملة دي وبيبدا يفكر في حبيبته زمان قبل ما يتجوز واللي خرجت من حياته بشكل مفاجئ وغامض وبدون اسباب وميعرفش عنها حاجة غير انها عايشة في بلد بعيدة عنه.. وان ازاي اتجوز مراته دي وهو مبيحبهاش " يعني زي ما بنقول كده الجواز قسمة ونصيب وده قدر".

 المهم في يوم وهو رايح الشغل الصبح لاقي ابوه اللي مات من زمان في الشارع.. فمصدقش من المفاجاة... وقام جاري عليه قاله ابويا ابويا... لكن جم ناس خدوا ابوه بسرعة وركبوا اتوبيس وهو معرفش يلحقهم.. بعديها راح لامه وامراته وقالهم انه شاف ابوه.. فتريقوا عليه وقالوا ابوك مات من زمان ده اكيد واحد شبهه بس هو برضو حط الموضوع في دماغه ومنسيهوش.. المهم تاني يوم وهو رايح الشغل قاعد يراقب الناس اللي حواليه لاقهم كلهم عمالين يعملوا حركات مكررة رايحين وجايين وخلاص.. فقال لمراته فمراته قالتله دي اوهام يا حبيبي.. بعديها قرر يسافر لحبيبته في البلد البعيدة فراح مكتب سفر قالوا مفيش حجز لمدة شهر..فراح يركب اتوبيس قام الاتوبيس اتعطل ورجع... فقام واخد عربيته فلقى فيه وباء منتشر وقافلين الطريق...يعني كل الطرق بقت مقفولة بالنسبة له ما عدا البحر بس هو بيخاف من البحر عشان وهو صغير كان مع ابوه في وسط البحر والمركب اتقلبت وابوه مات فده سببله عقدة من البحر.. فبيرجع يعيش حياته المملة تاني او بيظهر كده لكن في دماغه بيحاول يربط كل الاحداث اللي حصلتله دي ببعضها.

المهم مرة واحدة لقوه اختفى خالص ومش لاقيينه.. كل الناس بتعد تدور عليه لكن من غير فايدة.. في الوقت ده انت بتكتشف ان كل الناس اللي كانوا حوالين "ترومان" بيظهروا على حقيقتهم وانهم مجرد ممثلين بس بيؤدي دورهم في مسلسل " ترومان" حتى مراته وصديقه ممثلين... المهم في النهاية لاقوه في البحر ع مركب مع انه عنده عقدة من البحر..بس هو قرر يخاطر ويواجه خوفه لان مفيش حل تاني قدامه..
المهم في المشهد الاخير "ترومان" بيكتشف انه في مسلسل وكل حاجة حواليه مكنتش حقيقية وانه كله تمثيل في تمثيل ما عدا "ترومان" هو الوحيد اللي كان فاكر انه كل شئ بيحصل حواليه حقيقي ..حتى اما عدى البحر لاقى السما مش حقيقية.. وان هما كانوا بانيين المدينة دي كلها مخصوص عشان المسلسل وزرعوا فيها 5000 كاميرا عشان يراقبوا "ترومان" في كل حتة..كل ده طبعا بيحصل وبيتذاع والناس بتتفرج عليه.

المهم في اخر حتة في الفيلم المخرج بيسترجى "ترومان" عشان يفضل وميمشيش وان الدنيا بره وحشة وان افضل له انه يفضل في العالم اللي هما صنعوه ليه ده.. لكن ترومان بيقرر يخرج لدنيا الواقع في النهاية... يا ترى انت كمان عايش زي "ترومان".. حياتك حقيقة بجد ولا كله تمثيل في تمثيل وانت معتقد ان كل شئ بيحصل حواليك حقيقي عشان هما مقالولكش ان ده فيلم..يا ترى يا هل ترى؟!

هل حلمت يوماَ أنك بطل خارق.... إذاً فأنت شخص طبيعي!!

- من منا لم يحلم بأن يكون مثل "باتمان" و"سوبرمان" و"فلاش" وغيرهم من الأبطال الخارقين الذين لديهم قدرات فريدة من نوعها، فالطبع كلنا أحببنا في مرحلة الطفولة قصص الأبطال الخارقين المصورة، وتعلقنا بها لدرجة اننا تمنينا بأن نكون مثلهم في المستقبل، ومن ثم ازدات شهرة ونجاح هذه النوعية من الأفلام بسبب هوس الصغار وكذلك الكبار بهؤلاء الأبطال على الرغم من إدراكنا بأنهم ليس سوى خيال نسجه الكاتب لكي يجعل عالمنا الواقعي أكثر إثارة وتشويق.

- ولا شك أن التعلق بهؤلاء الأبطال الخارقين أصبح شيء طبيعي، خصوصاَ في العصر الحالي، وذلك حسبما أشار علماء النفس إلى أن الانسان الطبيعي يسعى دائما إلى إكمال الجزء الناقص في شخصيته، فمنا منا لا يريد ان يكون شخصاَ كاملاَ وخارقاَ في حين أننا ندرك أن الكمال لله وحده، فبالطبع هذه نزعة طبيعية في الانسان ومن هنا نرى أن هذا يحلم بأن يكون "كابتن أمريكا" وهذه تحلم بأت تكون "المرأة قطة" وهؤلاء يحلمون بأن يكونوا مثل "المنتقمون".

- وبالنظر إلى تراثنا الشعبي والتاريخي سنجد أن أجدادنا كان لديهم أيضاَ أبطال من نوع خاص متوافقين مع عالمهم التقليدي، فالبطع كلنا نذكر عنترة بن شداد وأبوزيد الهلالي وقصص الشاطر حسن الذي يفعل المستحيل من أجل الزواج من ست الحسن والجمال، فهؤلاء الأبطال الأسطوريين كانوا جزء من طفولتنا ومازالو حاضرين إلى وقتنا هذا، ولكن يجب أيضأَ أن نضع في الاعتبار أن هؤلاء الأبطال ليس سوى خيال ولا نبالغ في الأمر حتى لا يدفعنا هوسنا الشديد بهم إلى حافة الجنون، لذا فإذا حلمت بأن بطلا خارق فلا بأس بك يا عزيزي، فحاول أن تستمد قواهم الخارقة وتجعل لنفسك بها واقع أفضل لك وللآخرين.

إحراج "بلاتر" بسبب أموال مزيفة !!

في سابقة فريدة من نوعها إقتحم الممثل الكوميدي "سيمون برودكين" مؤتمراَ صحفياَ لرئيس الاتحاد الدولي لكرة القدم "فيفا" المستقيل "جوزيف بلاتر" في مدينة "زيوزخ"، وقام بالقاء أرواق نقدية مزيفة عليه احتجاجه منه على مدى فساد إتحاد "الفيفا" وقال له هذه من أجل استضافة "كوريا" مونديال 2026، ولقد أغضب هذه الفعل المشين "بلاتر" ومن ثم قام باستدعاء أمن المؤتمر لاخراج "سيمون".

ومن جانبه علق "بلاتر" على هذه الحادثة بأنها ليست لها أي علاقة بكرة القدم وطالب باعادة تنظيف المكان من الأموال المزيفة قبل استكمال المؤتمر الصحفي الذي دعا إليه للاعلان عن توقيت انتخابات الاتحاد المقبلة، هذا وفي الوقت ذاته يوجه مسئولون كبار في اتحاد "الفيفا" اتهامات بالفساد والرشوة وتم إعتقال 7 منهم في ظل تحقيقات موسوعة تجريها "الولايات المتحدة" بالتعاون مع "سويسرا".

إذا كنت من الكسالى الذين لا يطيقون العمل ويحبون النوم أغلب فترات حياتهم في السرير، فقد حان الوقت لكي تفعل ما تحب بمقابل مادي كبير!!

أعلنت وكالة الفضاء الأمريكية "ناسا" عبر موقعها الالكتروني عن حاجتها إلى متطوعين لديهم صحة جيدة لكي يناموا في سرير مختبري لمدة 70 يوماَ، وذلك بهدف إجراء بعض الدراسات والفحوصات عليهم التي سوف تساعد على تحسين صحة رواد الفضاء أثناء رحلاتهم المختلفة في الفضاء وبعد عودتهم إالى الأرض، وفي مقابل ذلك سوف يحصل المتطوع لهذا الاختبار على مبلغ 18 ألف دولار أمريكي.

وفي خلال هذه الفترة سوف تتمكن من القيام بأنشطتك اليومية بشكل طبيعي ولكن مع الالتزام بالرقود في السرير حتى يتسنى لخبراء "ناسا" إجراء الدراسات المطلوبة، فليست سوى 10 اسابيع فقط تنام فيها في السرير ويحق لك أيضاَ أستخدام الانترنت وممارسة أنشطة أخرى دون التحرك من السرير.

لذا فإن كنت ممن لا يحبون العمل والتعب ويريدون النوم لساعات طويلة في السرير، فاحزم أمتعتك على الفور فلقد حان الوقت لكي تفعل ما تحب وتجني في مقابل ذلك 18 الف دولار، فلا تترد وبادر بتلك الفرصة لأن وكالة "ناسا" في انتظار الكسالى مثلك.

هل تريد أن تعيش جو عصابات المافيا!! لا بأس ففي القريب العاجل سوف تصبح واحداَ منهم!!

أخيراَ ستكتمل المتعة والاثارة مع قرب صدور اللعبة التي طالما تم انتظارها "مافيا 3" بعد أن أعلن المتجر الالكتروني الأسيوي عن اضافة نسختي PS4 و Xbox one للعبة الشهيرة "مافيا 3" والمتوقع صدورها في وقت قريب ولكن دون تحديد موعد محدد لصدور اللعبة الأكثر إثارة في حرب العصابات، ومن ناحية أخرى في وقت سابق صرح الممثل الصوتي "ريك باسكولين"، والذي لعب شخصية البطل "فيتو سكلارا"، من خلال حسابه على موقع تويتر أنه تم التحضير لجزء جديد من اللعبة وسيتم الاعلان عنه في المستقبل القريب.

وعلى الجانب الآخر قام فريق شركة "تو كي تشيك" مطور لعبة "مافيا 3" بالاعلان عن قرب صدور الفيديو الترويجي الأول للعبة "مافيا 3" ومن المفترض أنه سيتم عرضه في الخامس من الشهر القادم طبقا لما أعلنه حساب الشركة الرسمي على موقع "تويتر"، لذا فكل ما علينا فعله هو الانتظار للعبة الأكثر تشويقاَ في تاريخ حرب العصابات فلقد انتظرنا الكثير ولم يتبقى غير القليل.